Açıqlama Xbox-ın Tokyo Game Show 2026 təqdimatı zamanı verilib. Bununla yanaşı, Bill Skarsgård və Charlee Fraser-in yer aldığı yeni Physint afişi də nümayiş etdirilib.
Hideo Kojima aktyor seçimi haqqında danışarkən bildirib ki, o və Skarsgård uzun müddətdir bir-birlərinin işlərini izləyirlər. Tərəflər bu qarşılıqlı maraqdan sonra birlikdə yeni bir layihəyə başlamağa qərar veriblər. Kojima ilin əvvəlində Bill Skarsgård və Charlee Fraser ilə keçirilən geyim sınaqları, skan prosesi və kamera testlərinin uğurlu nəticələr verdiyini də qeyd edib.
Bill Skarsgård daha əvvəl aktyor heyətinə qoşulan Charlee Fraser, Don Lee və Minami Hamabe ilə birlikdə rol alacaq. Aktyorların oyunda hansı personajları canlandıracağı barədə hələ ətraflı məlumat verilməyib. Kojima gələcəkdə heyətlə bağlı daha bir neçə diqqətçəkən açıqlamanın veriləcəyini bildirib.
Skarsgård daha çox It, It: Chapter Two və It: Welcome to Derry layihələrində canlandırdığı Pennywise obrazı ilə tanınır. Aktyorun digər məşhur işləri arasında Nosferatu, Barbarian, The Crow, Atomic Blonde, John Wick: Chapter 4 və The Devil All the Time kimi filmlər yer alır.
Physint Hideo Kojima-nın 40 illik karyerasının kulminasiyası olacaq
Hideo Kojima “Physinti” oyun sənayesindəki 40 ildən artıq karyerasının kulminasiyası adlandırıb. Onun sözlərinə görə, layihə mövcud digital entertainment janrlarının sərhədlərindən kənara çıxaraq aksiyon-cəsusluq anlayışını yenidən formaşaldırmağı hədəfləyir.
Kojima Productions layihənin hazırlanmasında irəliləyiş əldə edildiyini, hazırda aktyor seçimi, oyunçuların skan edilməsi və kənar yaradıcılarla əməkdaşlıq proseslərinin davam etdiyini açıqlayıb.
“Physinti” Kojima Productions-ın üçüncü original IP-si olacaq. Studiya Xbox-ın dəstəyi ilə ən son texnologiyaları geniş aktyor heyəti ilə birləşdirərək cəsusluq janrında yeni səviyyəyə çatmağı planlaşdırır.
Oyun əvvəlcə PlayStation Studios tərəfindən yayımlanmalı idi. Lakin Sony layihədən geri çəkildikdən sonra Kojima Productions yeni tərəfdaş axtarışına başladı və “Physintin” hazırlanmasını Xbox ilə davam etdirmək qərarına gəldi. Oyunun çıxış tarixi və yayımlanacağı platformalar hələ açıqlanmayıb.
